Question 1

ازاي أبدأ على المنصة؟

Accepted Answer

أول حاجة تسجل حساب جديد من الصفحة الرئيسية، وبعدين هتعدي على مراحل التأسيس: الأولى بياناتك الشخصية (الاسم، الإيميل، كلمة السر)، والتانية تهيئة المنصة (تختار اسم المنصة، الألوان، المواد، الصفوف، والباقة). بعد كده هتتحول مباشرة للوحة التحكم وعندك 200 جنيه رصيد ترحيبي مجاني تبدأ بيهم.

Question 2

قدرت أنسى كلمة السر. أعمل إيه؟

Accepted Answer

في صفحة تسجيل الدخول، اضغط على 'نسيت كلمة السر' وهتوصلك رسالة على الإيميل بتاعتك عشان تغيرها. تأكد من إن الإيميل اللي مسجل بيه صحيح. لو مش فاكر الإيميل، تواصل مع الدعم الفني على واتساب.

Question 3

ازاي أشوف المنصة زي ما الطالب بيشوفها؟

Accepted Answer

في الشريط الجانبي للوحة التحكم، فيه زرار 'عرض المنصة كطالب'. اضغط عليه وهتفتح صفحة المنصة في علامة تبويب جديدة بنفس نظرة الطالب بالضبط. تقدر تستخدمه عشان تتأكد من شكل المنصة وتجربة الطالب.

Question 4

أقدر أستخدم المنصة على الموبايل؟

Accepted Answer

أيوه، المنصة بتشتغل على كل الأجهزة (تليفون، تابلت، لابتوب، كمبيوتر). لوحة التحكم والمنصة متجاوبين مع كل أحجام الشاشات. الطلاب يقدرون يدخلوا من أي جهاز عادي أو تابلت.

Question 5

هل فيه تطبيق أندرويد أو iOS للمنصة؟

Accepted Answer

حالياً المنصة بتشتغل عبر المتصفح (Web App) - بتدخل من جوجل كروم أو فايرفوكس أو أي متصفح حديث. تقدر تضيفها للشاشة الرئيسية في التليفون (Add to Home Screen) عشان تفتحها زي التطبيق بالظبط. تطبيق الموبايل في مرحلة التطوير.

Question 6

أقدر أغير اسم المنصة أو الدومين بعد الإنشاء؟

Accepted Answer

اسم المنصة تقدر تغيره من الإعدادات في أي وقت. بالنسبة للدومين الفرعي (subdomain)، الأفضل تختاره بعناية من البداية. لو محتاج تغيره، تواصل مع الدعم الفني للمساعدة.

Question 7

إيه الفرق بين باقة Pro وباقة AI Max؟

Accepted Answer

Pro (9.10 ج/طالب شهرياً): الباقة المتكاملة - دومين خاص، لوحة تحكم كاملة، رفع حصص (يوتيوب/جوجل درايف)، إنشاء امتحانات، إدارة طلاب ومساعدين، كروت شحن، مكافحة غش، بوابة أولياء أمور، شات بوت Deefo، تقارير استهلاك. AI Max (14.5 ج/طالب شهرياً): كل ميزات Pro + حماية DRM للفيديو (تشفير ومنع تسجيل الشاشة) + رفع فيديو مباشر + كريدت AI إضافي شهرياً: «الكريدت المستحق» 500 كريدت لو رصيدك الأساسي أكبر من أو يساوي 100 ج، و1000 كريدت لو أكبر من أو يساوي 300 ج — مجاناً بدون خصم من المحفظة. كل الباقات بتاخد 100 كريدت شهرياً بيتجددوا كل 30 يوم.

Question 8

إزاي أختار الباقة المناسبة ليا؟

Accepted Answer

لو محتواك معتمد على فيديوهات شرح خاصة بيك وعايز تحميها من السرقة والتصوير، باقة AI Max هي الأنسب. لو بتستخدم يوتيوب أو جوجل درايف ومش محتاج حماية DRM، باقة Pro هتكون كافية جداً. بردو لو هتستخدم الذكاء الاصطناعي كتير في إنشاء الامتحانات وتصحيح المقالي، AI Max أوفرلك فلوس كتير. استخدم حاسبة التكلفة التفاعلية في صفحة الأسعار.

Question 9

أقدر أغير الباقة بعد ما بدأت؟

Accepted Answer

أيوه، تقدر ترقي من Pro لـ AI Max أو العكس في أي وقت من 'تغيير الباقة' في الشريط الجانبي. الفرق في السعر هيتحاسب على أساس المدة المتبقية من الشهر. الترقية فورية والتغيير للباقة الأقل بيسري من الشهر الجديد.

Question 10

إزاي بتتحسب التكلفة الشهرية بالظبط؟

Accepted Answer

بتتحاسب على عدد الطلاب النشطين فعلاً (اللي دخلوا المنصة) مش المسجلين بس. كل طالب ليه 30 يوم من أول دخول، وبعد ما يخلصوا، لو دخل تاني، هيتخصم من رصيدك تاني. يعني لو 100 طالب نشط × 9.10 ج (Pro) = 910 ج شهرياً. الطلاب المسجلين اللي مدخلوش مش بيتحاسبوا. استخدم حاسبة التكلفة في صفحة الأسعار عشان تحسب بالظبط.

Question 11

إيه هو رصيد AI (الكريدت)؟

Accepted Answer

الكريدت هو رصيد مخصص لدفع تكاليف الذكاء الاصطناعي (توليد الامتحانات وتصحيح الأسئلة المقالية). كل مدرس بياخد 100 كريدت شهرياً في كل الباقات، بيتنزل عند التسجيل وبيتجدد تلقائياً كل 30 يوم. أولوية الخصم: الكريدت الشهري ← الكريدت المشترى ← الرصيد الترحيبي ← المحفظة. يعني الكريدت بيتم استهلاكه قبل أي رصيد تاني.

Question 12

إزاي أضيف كريدت بنفسي؟

Accepted Answer

من بطاقة «AI Credit» في لوحة التحكم اضغط «➕ إضافة كريدت»، اكتب عدد الكريدت المطلوب (أو استخدم الأزرار السريعة +50/+100/+200). التحويل: 1 ج رصيد أساسي = 1 كريدت، بيتخصم من رصيدك الأساسي (المحفظة) فقط — الرصيد الترحيبي لا يُستخدم في التحويل. لو المبلغ أكبر من رصيدك الأساسي هيظهرلك خطأ «رصيدك غير كافٍ». الكريدت المشترى ما بينتهيش أبداً.

Question 13

إيه هو الكريدت المستحق في باقة AI Max؟

Accepted Answer

باقة AI Max ليها زر «🎁 الكريدت المستحقه» في بطاقة AI Credit: رصيد أساسي أكبر من أو يساوي 100 ج → تستحق 500 كريدت، أكبر من أو يساوي 300 ج → تستحق 1000 كريدت. الرصيد الترحيبي لا يُحتسب في الشروط. الكريدت المستحق مجاني بالكامل — الرصيد مجرد شرط للاستحقاق ولا يُخصم منه أي مبلغ. لو رصيدك أقل من 100 ج هتظهر رسالة فيها شروط الاستحقاق. بعد الاستحقاق بيبدأ عداد 30 يوم والزر بيظهر عليه الوقت المتبقي (ولو ضغطت عليه هتظهر رسالة بالوقت المتبقي)، وبعد ما العداد يخلص تقدر تستحق تاني. العداد ده مش بيمنعك من إضافة كريدت بالتحويل في أي وقت.

Question 14

الكريدت بيخلص ولا بينتهي لو معملتش منه استخدام؟

Accepted Answer

الـ 100 الشهري بيتجدد كل 30 يوم: لو فاضل منه جزء والشهر خلص، بيتصفّر ويرجع 100 تاني. الكريدت المستحق من باقة AI Max بيرجع للرصيد الشهري مع كل دورة جديدة (يحل محله). أما الكريدت اللي اشتريته بالتحويل من رصيدك فما بينتهيش أبداً ويضاف فوق أي رصيد عندك.

Question 15

إيه الفرق بين الكريدت والرصيد الترحيبي 200 ج؟

Accepted Answer

الرصيد الترحيبي 200 ج هدية تسجيل بتستخدم في كل تكاليف المنصة (شحن الطلاب وغيره) وبينتهي بعد 30 يوم. الكريدت رصيد مخصص للذكاء الاصطناعي بس (توليد الامتحانات وتصحيح المقالي). الاتنين بيتم خصمهم قبل رصيد المحفظة الفعلي: الكريدت الأول ثم الرصيد الترحيبي ثم المحفظة. وممنوع تحويل الرصيد الترحيبي لكريدت.

Question 16

أقدر أرفع فيديوهاتي على المنصة؟

Accepted Answer

أيوه، عندك 3 طرق: 1) رابط يوتيوب غير مدرج (Unlisted) - أسهل وأسرع طريقة، متاحة في كل الباقات. 2) رابط جوجل درايف - لو الفيديو عندك على درايف. 3) رفع مباشر (للباقة AI Max) - الفيديو بيتشفر بتقنية DRM.

Question 17

إيه الفرق بين اليوتيوب غير المدرج وحماية DRM؟

Accepted Answer

اليوتيوب غير المدرج: الفيديو موجود على يوتيوب وبيشتغل على المنصة، لكن أي حد عنده الرابط يقدر يشوفه بره المنصة. حماية DRM (الرفع المباشر في AI Max): الفيديو مشفر على سيرفرات آمنة (Cloudflare R2)، مش بينزل عند الطالب، بيشتغل بمشغل آمن Shaka Player. كمان فيه حماية من تسجيل الشاشة.

Question 18

أقدر أحدد مين يشوف الحصة؟

Accepted Answer

أيوه. بتقدر تحدد الصفوف الدراسية اللي تشوف الحصة (مثلاً أولى ثانوي بس)، وكمان تقدر تحدد متطلبات (Prerequisites) - حصص أو امتحانات لازم الطالب يخلصها الأول. وبرده تقدر تخفي الحصة عن الطلاب مؤقتاً بزر العين. وبتقدر تتحكم في ترتيب ظهور الحصص على المنصة من إعداد العرض 🖥️ في الإعدادات.

Question 19

إزاي أشوف مين شاف الحصة ومين لا؟

Accepted Answer

في تبويب الحصص، جنب كل حصة فيه زرار 'عرض الإحصائيات'. اضغط عليه هتشوف تقرير بكل طالب: شاف ولا لا، تاريخ المشاهدة، عدد المرات، ونسبة التقدم في الفيديو (كام % من الفيديو اتفرج عليه). النظام بيحتسب المشاهدة لو الطالب تفرج على 20% على الأقل من الفيديو.

Question 20

إزاي أعمل كورس (Bundle)؟

Accepted Answer

من تبويب الحصص، اضغط 'إضافة كورس' ويفتح معالج الإنشاء على خطوات: 1) اسم ووصف الكورس. 2) الصورة المصغرة والسعر والمتطلبات السابقة. 3) الصفوف الدراسية. بعدها تنتقل لصفحة الإعداد عشان تضيف الدروس (فيديو + واجب + فيديو حل لكل درس) وترتبهم وتنشر الكورس. الكورس بيبقى مسودة مخفية لحد ما تنشره بنفسك.

Question 21

إيه هو تتبع تقدم الطالب في الكورسات؟

Accepted Answer

النظام بيسجل تقدم كل طالب في الكورس: مشاهدة الفيديوهات، تسليم الواجبات، ومشاهدة فيديوهات الحل. الطالب بيشوف نسبة مئوية وبطاقة 'كمّل من حيث وقفت' تعيده لأول حاجة لسه مخلصتهاش. الدروس بتتقفل بالترتيب - الدرس الجديد مش بيتفتح قبل ما يشوف فيديو اللي قبله.

Question 22

إزاي أضيف واجب منزلي لحصة أو درس؟

Accepted Answer

حوّل الامتحان الأول لواجب (راجع دليل تحويل الامتحانات لواجبات). بعدها في صفحة إنشاء/تعديل الحصة، في خطوة '📝 واجب الحصة (اختياري)' اختار الامتحان المحوّل. بيتم إنشاء نسخة مستقلة من الامتحان بدون تسعير. نفس الحكاية في إضافة درس داخل كورس. تقدر تضيف '🎬 فيديو حل الواجب' (رابط يوتيوب) يظهر للطالب بعد التسليم.

Question 23

إيه هو تحويل الامتحان لواجب واستخداماته؟

Accepted Answer

التحويل لواجب بيخفي الامتحان عن الطلاب في قسم الامتحانات مع الاحتفاظ بيه عندك. من تبويب الامتحانات → قائمة ⋮ → 'تحويل لواجب'. الامتحانات المحولة بتظهر في تبويب '📚 الواجبات' وتقدر تستخدمها كواجبات منزلية على الحصص والدروس. تقدر تلغي التحويل في أي وقت ليرجع الامتحان للطلاب.

Question 24

إزاي أنظم شكل منصة الطلاب (ترتيب الأقسام)؟

Accepted Answer

من لوحة التحكم → الإعدادات → '🖥️ العرض'. تقدر ترتب الأقسام (الحصص / الكورسات / الامتحانات) بالسحب والإفلات، تخفي أي قسم مؤقتاً، تختار السنة الدراسية المعروضة للطلاب، وترتب المحتوى جوه كل قسم. التغييرات بتظهر على منصة الطلاب فوراً بعد الحفظ.

Question 25

إيه هي إعلانات المنصة (الخطة الدراسية)؟

Accepted Answer

ميزة بتخليك تبعت إعلانات وخطة دراسية للطلاب. من الإعدادات → '🎓 التسجيل والطلاب' → 'الخطة الدراسية' تفعل الميزة وتكتب اسم الزر الظاهر للطلاب. بعدها تكتب منشورات بعنوان ومحتوى وصور وملفات، وتحدد الصفوف المستهدفة. المنشور بينشر فوراً مع إشعار للطلاب.

Question 26

أقدر أضيف ملفات PDF أو صور للحصة؟

Accepted Answer

أيوه. في صفحة إنشاء الحصة، في قسم 'الملفات المرفقة' تقدر ترفع ملفات PDF أو صور. الحد الأقصى 50 ميجابايت لكل ملف. الطلاب يقدرون ينزلوها من صفحة الحصة. تقدر كمان تختار ملفات من المكتبة أو تستورد من Google Drive.

Question 27

إيه هي المكتبة وإزاي أستخدمها؟

Accepted Answer

المكتبة هي مخزن ملفاتك المركزي على المنصة. ارفع ملف PDF أو صورة مرة واحدة في المكتبة، وبعدين استخدمه في أي حصة أو امتحان من غير ما ترفعه تاني. في تبويب 'المكتبة' تقدر تضيف ملفات، تشوف كل ملفاتك، وتحذف اللي مش محتاجه. الملفات في المكتبة مش بتتأثر بحذف الحصص. كمان تقدر تربط Google Drive وتستورد ملفاتك منه.

Question 28

إيه هو البث المباشر في المنصة؟

Accepted Answer

البث المباشر بيخليك تشرح لطلابك في نفس اللحظة بكاميرا أو شاشة أو الاتنين، مع شات تفاعلي وحضور حي وتحليلات لحظية. متاح في باقة AI Max بشرط رصيد أساسي 100 ج على الأقل (الرصيد الترحيبي لا يُحتسب).

Question 29

إزاي أبدأ بث مباشر؟

Accepted Answer

من لوحة التحكم → 'البث المباشر' → '+ بدء بث جديد'. اكتب اسم البث ووصفاً، واختار الصفوف المستهدفة (مهمة لأنها تحدد مين هيشوف البث ومين هيوصله إشعار). بعدها هتنتقل للاستوديو وتضغط '▶ بدء البث' وتسمح بالكاميرا والمايك من المتصفح.

Question 30

إيه الفرق بين 'إخفاء للتجهيز' و'إعلام الطلاب'؟

Accepted Answer

لما تبدأ البث مخفياً للتجهيز، الطلاب مش هيشوفوه لحد ما تعلنه بنفسك. من صفحة البث تقدر تضغط 'إعلام الطلاب' (فوراً أو بعد دقائق) عشان يظهر ليهم ويوصلهم إشعار. ده مفيد لو عايز تتأكد من كل حاجة قبل ما تبدأ.

Question 31

أقدر أكتم طالب أو أطرده من البث؟

Accepted Answer

أيوه. من لوحة الحضور الجانبية في الاستوديو، عند كل طالب: 'كتم' بيمنعه من الشات، و'طرد' بيقطع عنه المشاهدة فوراً. وتقدر تلغي الكتم أو الطرد في أي وقت.

Question 32

أقدر أسيب البث مؤقتاً وأرجع تاني؟

Accepted Answer

أيوه، استخدم 'إيقاف مؤقت' للاستراحة (5/10/15 دقيقة أو يدوي). الطلاب يشوفوا عدّاد انتظار، وانت تستأنف في أي وقت. كده أفضل من إنهاء البث لو ناوي ترجع تكمّل.

Question 33

لو النت قطع أثناء البث، بيحصل إيه؟

Accepted Answer

الاستوديو بيعيد الاتصال تلقائياً. لو الاتصال انقطع فترة طويلة، النظام بيعتبر البث انتهى بعد فترة سماح. طلابك ممكن يشوفوا رسالة 'انتهى البث'. نصيحة: استخدم اتصال سلكي مستقر للبث.

Question 34

إزاي المساعدين يشاركوا في البث؟

Accepted Answer

المساعد اللي عنده صلاحية البث المباشر يقدر يتحكم في بثك من صفحته: كاميرا المدرس، المايك، مشاركة الشاشة، أنماط العرض، الإيقاف/الاستئناف، وحتى إنهاء البث.

Question 35

إزاي أعمل امتحان بسرعة؟

Accepted Answer

أسرع طريقة: جهز ملف إكسل بالأسئلة (العمود الأول: نوع السؤال MCQ/TF، التاني: السؤال، 3-6: الخيارات، 7: الإجابة الصحيحة، 8: الدرجة)، وارفعه. في ثواني الامتحان هيبقى جاهز بكل الأسئلة والدرجات. طريقة تانية: استخدم إنشاء الامتحان بالذكاء الاصطناعي - ارفع ملفاتك وهو يولد الامتحان كامل.

Question 36

الطلاب بيشوفوا النتيجة امتى؟

Accepted Answer

النتيجة (الدرجة والنسبة المئوية والتقييم) بتظهر فوراً بعد ما الطالب يسلم الامتحان. لكن مراجعة الإجابات بالتفصيل (إجابة الطالب جنب الإجابة الصحيحة) بتظهر بس بعد وقت الانتهاء اللي أنت محدد في بيانات الامتحان. ده عشان الطلاب ميتشاركوش الإجابات قبل الكل ما يخلص.

Question 37

طالب طلب إعادة امتحان، أعمل إيه؟

Accepted Answer

روح لتبويب الامتحانات، بعدين 'طلبات إعادة الدخول'. هتشوف الطالب وسبب الطلب وتاريخه. تقدر توافق (مع إمكانية إضافة وقت إضافي لو عايز تدي الطالب فرصة) أو ترفض الطلب. الطالب هيقدر يكمل من حيث ما وقف.

Question 38

إزاي نظام كشف الغش في الامتحانات بيشتغل؟

Accepted Answer

النظام بيكتشف لو الطالب غير التبويب (Alt+Tab) أو فتح نافذة تانية أثناء الامتحان. أول مرتين بيظهر تحذير أحمر للطالب. المرة التالتة الامتحان بيتسلم تلقائياً ويعتبر 'محاولة غش' ويتم تسجيلها في تقرير الطالب. بنصحك تحذر الطلاب في بداية الامتحان وتكتب التعليمات بوضوح.

Question 39

أقدر أضيف صور في أسئلة الامتحان؟

Accepted Answer

أيوه. في صفحة إنشاء الامتحان، عند إضافة أي سؤال تقدر ترفع صورة مع السؤال (أيقونة الصورة جنب السؤال). الصورة بتظهر للطالب جنب السؤال وقت الحل. مفيد جداً للمواد العلمية: رسومات بيانية، أشكال هندسية، خرائط، جداول.

Question 40

أقدر أعمل أسئلة مقالية (Essay)؟

Accepted Answer

أيوه. في إنشاء الامتحان، اختار نوع السؤال 'مقالي'. الطالب هيكتب الإجابة في مربع نص كبير. بعد الحل، هتلاقي الإجابة في صفحة 'تصحيح الإجابات' عشان تصححها يدوي وتدي الدرجة. السؤال المقالي بيناسب المواد الأدبية: تعبير، تحليل، شرح. ممكن كمان تولد أسئلة مقالية بالذكاء الاصطناعي.

Question 41

توليد الامتحانات بالذكاء الاصطناعي - إزاي بيشتغل؟

Accepted Answer

ارفع ملفاتك الدراسية (PDF, Word, PowerPoint, TXT) بحد أقصى 50 صفحة. حدد مجموعات الأسئلة: نوع السؤال (اختياري، صح/غلط، مقالي)، عدد الأسئلة، مستوى الصعوبة (سهل/متوسط/صعب)، والدرجة. النظام يحلل المحتوى بذكاء ويفهم النقاط المهمة ويولد امتحان متكامل بإجابات نموذجية. راجع الامتحان في المعاينة، عدل فيه براحتك، وانشره.

Question 42

تكلفة توليد الامتحانات بالذكاء الاصطناعي بتتحسب إزاي؟

Accepted Answer

التكلفة = (عدد صفحات المستندات × عدد الأسئلة) / 250 جنيهاً، بحد أدنى 1 جنيه. مثال: مستند 20 صفحة + 30 سؤال = (20×30)/250 = 2.4 جنيه. الخصم من الكريدت أولاً (الشهري ثم المشترى)، ثم الرصيد الترحيبي (200 ج مجاني)، ثم المحفظة. تقدر تشوف ملخص التكلفة في شاشة المعاينة قبل النشر.

Question 43

إزاي الطالب يشحن محفظته؟

Accepted Answer

الطالب بيشتري كود شحن منك (12 حرف، مثال: ABCD-1234-EFGH) أو من موزع معتمد. بعد كده بيدخل على المنصة، يضغط على رصيده في الصفحة الرئيسية، يكتب الكود في الحقل المخصص، ويضغط 'شحن'. الرصيد بيتضاف فوراً وهتظهر رسالة تأكيد.

Question 44

أقدر أعمل كود شحن بقيمة معينة؟

Accepted Answer

أيوه. في تبويب كروت الشحن، في الشمال: حدد قيمة الكود اللي عايزها (من 5 جنيه لحد 1000 جنيه) وعدد الكروت (حد أقصى 200 كود في الدفعة الواحدة)، واضغط 'توليد الأكواد'. الدفعة الجديدة هتظهر في القائمة بالأكواد كاملة.

Question 45

أقدر أطبع أو أصدر الأكواد؟

Accepted Answer

أيوه. الدفعة الجديدة هتظهر في القائمة وتقدر: 1) تطبعها - هتفتح صفحة طباعة منظمة. 2) تنسخ كل الأكواد مرة واحدة (Copy All). 3) تصدرها ملف إكسل (Excel) عشان توزعها على الموزعين أو المكاتب.

Question 46

كود استخدم بالغلط، أقدر أسترجع قيمته؟

Accepted Answer

لو الكود لسه متستخدمش، تقدر تحذفه من القائمة ورصيده هيرجعلك (أو تقدر تدي الكود لطالب تاني). لو استخدم فعلاً من طالب معين، تقدر ترجع القيمة للطالب يدوياً من خلال تعديل رصيده في تبويب الطلاب.

Question 47

أقدر أعرف مين استخدم كود معين وامتى؟

Accepted Answer

أيوه. في قائمة الأكواد، كل كود ليه حالة: 'جديد' أو 'مستخدم'. اضغط على الكود المستخدم وهتشوف تفاصيل: اسم الطالب اللي استخدمه، تاريخ ووقت الاستخدام، وقيمة الكود.

Question 48

أقدر أمنع طالب من دخول المنصة؟

Accepted Answer

في تبويب الطلاب، دور على الطالب واضغط على 'حظر'. الحظر بيمنع الطالب من الدخول خالص، وبيظهر له رسالة إن الحساب موقوف. تقدر تفك الحظر أي وقت من نفس المكان. فيه كمان خيار 'حظر وحذف' - ده بيمنع الطالب نهائياً من التسجيل تاني بنفس البيانات والبصمة.

Question 49

إزاي نظام بصمة الجهاز (Fingerprint) بيشتغل؟

Accepted Answer

النظام بيسجل بصمة فريدة لكل جهاز بيتصل بالمنصة (تليفون، تاب، لابتوب) باستخدام تقنية FingerprintJS. الطالب مقيد بعدد أجهزة معين (افتراضي 3 أجهزة). لو حاول يدخل من جهاز رابع، هتظهر رسالة 'جهاز محظور'. البصمة بتشتغل حتى لو الطالب مسح الكوكيز أو غير المتصفح أو الـ IP. من الإعدادات المتقدمة، تقدر تزود الحد أو تحظر جهاز معين.

Question 50

إزاي أرفع كل الطلاب للسنة الجديدة مرة واحدة؟

Accepted Answer

في تبويب الطلاب، استخدم زرار '🚀 انتقال لسنة دراسية جديدة'. هتمر بـ 3 خطوات: 1) اختار الهدف لكل صف دراسي (يتقدم سنة أو يحذف). 2) اكتب كلمة السر عشان تأكيد هويتك. 3) اضغط 'ترقية' - النظام بينقل كل الطلاب مرة واحدة لصفوفهم الجديدة. الحصص والامتحانات بتفضل موجودة.

Question 51

أقدر أضبط عدد أجهزة معين لكل طالب؟

Accepted Answer

أيوه. من الإعدادات المتقدمة، في 'الحد الافتراضي للأجهزة' تقدر تحدد رقم عام لكل الطلاب (مثلاً 2 أو 5 أجهزة). كمان في جدول إدارة الأجهزة، تقدر تتحكم في كل طالب على حدة: تزود الحد بتاعه، تحظر جهاز معين، أو تفك الحظر عن جهاز.

Question 52

إزاي أقبل طلاب جدد أو أرفضهم؟

Accepted Answer

لو مفعل 'طلب موافقة للتسجيل' في الإعدادات، أي طالب جديد هيدخل في قائمة 'طلبات الانتظار' في تبويب الطلاب. تقدر تقبلهم واحد واحد أو توافق على الكل مرة واحدة. تقدر كمان ترفض طالب. لو خاصية الموافقة مش مفعلة، أي طالب يقدر يسجل ويدخل مباشرة.

Question 53

أقدر أزود أو أنقص رصيد طالب معين؟

Accepted Answer

أيوه. في تبويب الطلاب، جنب كل طالب فيه زرار 'تعديل الرصيد'. تقدر تزود رصيده (هدية أو تعويض) أو تنقصه (تصحيح خطأ). العملية بتتم فوراً والطالب بيشوف الرصيد الجديد في حسابه.

Question 54

إيه اللي المساعد يقدر يعمله؟

Accepted Answer

المساعد بيقدر يعمل الحاجات اللي أنت مديله صلاحية لها بس. الصلاحيات 10 مجموعات: نظرة عامة، الحصص (إضافة/تعديل/حذف)، الامتحانات (إنشاء/تصحيح/حذف)، الطلاب (قبول/حظر/تعديل رصيد)، كروت الشحن، تقارير الاستهلاك، إعدادات المنصة، الإعدادات المتقدمة، إدارة المساعدين، والإشعارات. كل مجموعة ليها صلاحيات فرعية.

Question 55

أقدر أخلي المساعد يدير كل حاجة؟

Accepted Answer

أيوه، افتح صلاحيات المساعد واختار كل الصلاحيات المتاحة (كل المجموعات) وهيبقى عنده صلاحية كاملة زيك. لكن خلي بالك: صلاحية 'إدارة المساعدين' بتخليه يقدر يضيف مساعدين تانيين ويعدل صلاحياتهم. فكر كويس قبل ما تديله الصلاحية دي.

Question 56

أقدر أرجع المساعد طالب عادي تاني؟

Accepted Answer

أيوه. في جدول المساعدين، استخدم زرار 'تسريح المساعد'. المساعد مش هيقدر يدخل لوحة التحكم بعد كده وهيرجع طالب عادي في منصتك. كل بياناته كمستخدم بتفضل موجودة. تقدر ترفعه مساعد تاني أي وقت.

Question 57

إزاي أضيف مساعد جديد؟

Accepted Answer

في تبويب مساحة العمل، اكتب اسم أو إيميل الطالب اللي عايز ترفعه مساعد في صندوق البحث. بعد اختياره، هتظهر نافذة اختيار الصلاحيات. حدد الصلاحيات اللي عايزها واضغط 'تأكيد'. الطالب هيلاقي لوحة التحكم متاحة ليه بحسب الصلاحيات اللي اخترتها.

Question 58

إيه المميزات التانية في مساحة العمل؟

Accepted Answer

مساحة العمل فيها أكتر من إدارة المساعدين: 1) Activity Feed - متابعة كل الأنشطة اللي بتحصل في المنصة. 2) Threads - مناقشات منظمة بينك وبين مساعدينك. 3) Kanban Board - لوحة لإدارة المهام وتنظيم الشغل. 4) Approval Workflow - نظام مراجعة المحتوى قبل النشر.

Question 59

إزاي بتتحسب التكلفة على الطلاب بالظبط؟

Accepted Answer

كل طالب ليه دورة فوترة 30 يوم من أول مرة يدخل فيها المنصة. بعد الـ 30 يوم، لو دخل الطالب تاني، هتتحسب عليه تكلفة جديدة لمدة 30 يوم إضافية. بتتحاسب على الطلاب النشطين بس (اللي دخلوا فعلاً) مش المسجلين اللي مدخلوش. التكلفة بتختلف حسب باقتك: Pro = 9.10 ج للطالب، AI Max = 14.5 ج للطالب.

Question 60

أقدر أشحن محفظتي إزاي؟

Accepted Answer

عندك طريقتين: الأولى: اضغط على '💰 إضافة رصيد' في لوحة التحكم، اختار طريقة الدفع (InstaPay أو محفظة إلكترونية)، حول المبلغ المطلوب، وارفع إيصال التحويل. فريق ديفيس بيراجع ويضيف الرصيد خلال 24 ساعة. أقل مبلغ للشحن 100 جنيه. التانية: استخدم كود برومو من ديفيس في 'استخدام كود برومو' عشان تضيف رصيد مجاني.

Question 61

أقدر أسترجع رصيد من محفظتي؟

Accepted Answer

أيوه، تقدر تطلب استرجاع رصيد من المحفظة. بيرجعلك المبلغ عن طريق نفس وسيلة الدفع الأصلية. في رسوم إدارية 3.5% على المبلغ المسترجع، والمبلغ بيوصل خلال 2-4 أيام عمل.

Question 62

إزاي أشوف تقارير الاستهلاك الشهرية؟

Accepted Answer

في تبويب 'المبيعات' أو 'تقارير الاستهلاك'، هتشوف بطاقات زمنية (24 ساعة، 7 أيام، 30 يوم، 6 شهور، كل الفترة). كل بطاقة بتوريك إجمالي التكلفة وعدد الطلاب الفريدين في الفترة دي. تحت فيه جدول تفصيلي بكل عملية سحب: اسم الطالب، المبلغ، تاريخ السحب، والمدة المتبقية. كمان تقدر تشوف ترتيب الحصص الأعلى ربحاً.

Question 63

إيه هو شات بوت Deefo؟

Accepted Answer

Deefo هو المساعد الذكي بتاع المنصة، بيستخدم الذكاء الاصطناعي (Google Gemini) عشان يجاوب على أسئلتك في لوحة التحكم. تقدر تسأله أي حاجة عن المنصة: إزاي تعمل امتحان، إزاي تشحن رصيد، إيه الفرق بين الباقات، إزاي تحل مشكلة معينة. بيرد بالعامية المصرية وبيفهم كل التفاصيل.

Question 64

إزاي أستخدم Deefo كمعلم؟

Accepted Answer

في لوحة التحكم، هتلاقي أيقونة Deefo في الزاوية. اضغط عليها، اكتب سؤالك في الشات بالعامية المصرية، وهو هيرد عليك فوراً. جرب تسأله: 'إزاي أعمل امتحان؟' أو 'عايز أشحن رصيدي' أو 'إزاي أضيف مساعد؟'.

الأسئلة الشائعة

الحساب والمنصة

الباقات والأسعار

الحصص

البث المباشر

الامتحانات

كروت الشحن

الطلاب

مساحة العمل والمساعدين

الفواتير والاستهلاك

شات بوت Deefo

التخصيص والهوية البصرية

الحماية والأمان

توليد الامتحانات بالذكاء الاصطناعي

تصحيح الإجابات المقالية

أول مرة على المنصة

التصفح والمنصة الجديدة

الحساب والتسجيل

الملف الشخصي

الحصص

الامتحانات

المحفظة والشحن

الكورسات والمشتريات

الإشعارات

بوابة أولياء الأمور

شات بوت Deefo

الدعم الفني والمشاكل

الأسئلة الشائعة

الحساب والمنصة

الباقات والأسعار

الحصص

البث المباشر

الامتحانات

كروت الشحن

الطلاب

مساحة العمل والمساعدين

الفواتير والاستهلاك

شات بوت Deefo

التخصيص والهوية البصرية

الحماية والأمان

توليد الامتحانات بالذكاء الاصطناعي

تصحيح الإجابات المقالية

أول مرة على المنصة

التصفح والمنصة الجديدة

الحساب والتسجيل

الملف الشخصي

الحصص

الامتحانات

المحفظة والشحن

الكورسات والمشتريات

الإشعارات

بوابة أولياء الأمور

شات بوت Deefo

الدعم الفني والمشاكل